रक्त करवल दान (हेम के शंकर छंद)
बात बतावँत हावय चुन्नी,
रक्त करलव दान।
दूर भगालँव मन के डर ला,
होय ना नुकसान।।
तन-मन हा तोर स्वस्थ रइही,
मोर कहना मान।
दे दँव जी मरीज ला सुघ्गर,
आप जीवनदान।।
कैंसर जस कतको बीमारी,
होय तन ले दूर।
एक बार करके देखव जी,
रक्तदान जरूर।।
भाई-चारा सुम्मत बगरय,
पूण्य हावय काज।
सबला समझावँय चुन्नी हा,
ठान लौ मन आज।।
काम सबो के आवँन संगी,
नेक बन इंसान।
रक्त दान कर जग मा बढ़िया,
काम करँव महान।।
-हेमलाल साहू
छंद साधक सत्र-1
ग्राम-गिधवा, जिला-बेमेतरा
No comments:
Post a Comment